«Глядзі, тэлефон, цацкі новыя, коцік». Беларус паказаў вясковы туалет і пакарыў TikTok

Беларус апублікаваў у TikTok відэа вясковага вулічнага туалета. Яно завірусілася і набрала 1,6 мільёна праглядаў за першыя два дні. «Прыдумайце назву гэтаму Туалету», — звярнуўся ён да карыстальнікаў і прайшоў у прыбіральню.

Чытайце таксама: «Привет из 90-х»: беларуска показала туалет вагона бизнес-класса БЖД

Унутры на падлозе зялёны «газон», на сценах багатыя кампазіцыі з штучных кветак

@karpyxa6666Ваше название?)♬ оригинальный звук — Karpyxa⚔️

З выгляду нічым не адметная вясковая прыбіральня знаходзіцца за карычневымі дзвярыма. Але ўнутры на падлозе зялёны «газон», на сценах багатыя кампазіцыі з штучных кветак, разбавленыя «прывітаннем» з Новага года — шарамі і бліскучым дожджыкам. На адной з развешаных унутры карцін можна заўважыць нават крыж. Асвяжальнікаў паветра — некалькі штук, колькасць туалетнай паперы на гэтым фоне выглядае сціпла — усяго рулон і ўпакоўка.

«Глядзі, тэлефон, цацкі новыя, коцік…» — звяртаецца да аўтара роліка гаспадар туалета. А пазней ганарліва дадае: «Тут ёсць усё».

«Тэлефон рабочы, дарэчы», — кажа ён, а ў кадры з’яўляецца кнопачны апарат.

Вас пытаются отрезать от мира и оставить в цифровом вакууме. Быть частью глобальной сети — это ваше право, а не чье-то разрешение. Оставайтесь на связи со всем миром с BGlobal VPN.

Ссылка на подключение BGlobal VPN – здесь

Пасля «экскурсіі» аўтар відэа не змог стрымаць смех. Яго эмоцыі многія зразумелі ў каментарах. Людзей уразіў антураж прыбіральні:

• «Госпадзі, я спачатку падумала, што гэта рытуальны туалет».
• «Фантастычны партал часу. Сеў і забыўся, для чаго».
• «Ды вы не разумееце, так какаць весялей. Гэта той выпадак, калі ў туалет тэлефон можна не браць».
• «Туалет-свята. У ім можна адзначыць дзень нараджэння, Новы год. [Атрымаецца] патэлефанаваць сябру. Увогуле, можна здаваць пад жыллё».
• «Сарцір-люкс прэміум-класа».

Таксама ў каментарыях беларусы цікавіліся, ці прадае гаспадар свой туалет, ці зможа зрабіць такі ж па індывідуальным заказе.

Чытайце таксама: «Для всех, кто курит за окном, — вид на писающего человека». Беларуска показала туалет в пункте пропуска «Брест»

У Беларусі перыядычна прадаюць вясковыя туалеты

У Беларусі перыядычна прадаюць вясковыя туалеты, але не такія прыгожыя. Напрыклад, у сакавіку 2024 года ў вёсцы Чыгірынка ў Кіраўскім раёне на аўкцыён за даўгі выставілі туалет-«шпакоўню» плошчай два квадратныя метры. У заўвагах да лота пісалі, што гэта «аднапавярховы дашчаны будынак туалета на два ачкі».

Туалетам валодала лесаперапрацоўчае ТАА «Магілёўлесакомплекс». Маёмасць гэтага прадпрыемства арыштавалі за даўгі. Стартавая цана была 590 рублёў. Удзельнік аўкцыёна — адзін чалавек, які і купіў прыбіральню менавіта за такую суму.

У студзені 2026 года дзяржаўнае прадпрыемства «Мінскі абласны цэнтр інвестыцый і прыватызацыі» абвясціла таргі па продажы маёмасці ААТ «ПМК-188» Валожынскага раёна, якое знаходзіцца ў стадыі ліквідацыі. Сярод лотаў апынуўся вясковы вулічны туалет. Разам з ім прадавалі зямельны ўчастак плошчай 4,4 гектара. Стартавая цана лота склала 2 280 рублёў. Чым скончыўся аўкцыён, невядома.

Чытайце таксама: «Бесчеловечное отношение»: турист пожаловался на закрытые туалеты около Брестской крепости

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро