«Ох ужо гэты ЖЭУ-5». Віцебскія камунальнікі так і не вырашылі праблему затопленага падвала ў новабудоўлі

Дом на вуліцы Будзёнага, 1А ў Віцебску не раз станавіўся прадметам абмеркавання ў сацсетках: затоплены падвал, смурод, антысанітарыя. А ўлетку сітуацыя можа яшчэ больш пагоршыцца. Жыхарка дома паказала ў TikTok, што з сярэдзіны красавіка нічога не змянілася: там па-ранейшаму ўсё затоплена, а ЖЭУ-5 бяздзейнічае.

@littleblond7 #жэу5#витебск #рек#жрэт#подвал ♬ 오리지널 사운드 — keyvitup_inkode

У каментарах жыхары Віцебска сцвярджаюць, што ў ЖЭУ-5 няма каму працаваць:

• «Ох ужо гэты ЖЭУ-5. Улічваючы, якія там кадры працуюць, то проста і шкада кіраўніка».
• «Гэта дакладна) Там інжынерам зрабілі майстра з 14-га ЖЭУ) Абрагочацца, спецыялісты) Людзі не ідуць працаваць у ЖКГ: працы шмат, плацяць мала».
• «Дык там няма каму працаваць, добра, што хоць хтосьці працуе з пакінутых».

ЖЭУ-5 і ЖРЭТ Віцебска пакуль не каментавалі затоплены падвал у новабудоўлі на вуліцы Будзёнага, 1А.

Не привыкайте жить в цифровом загоне. Мир гораздо шире вашего провайдера. Выходите в глобальную сеть через BGlobal VPN.

Ссылка на подключение BGlobal VPN – здесь 

Чытайце таксама: У «элітным раёне» Віцебска зноў падтапленні: жыхары Нікраполля б’юць трывогу

У красавiку вада затапіла адзін з падвалаў дома на вуліцы Будзёнага, 1А

Нагадаем, у красавiку жыхарка дома на вуліцы Будзёнага, 1А паказала ў TikTok, як вада затапіла адзін з падвалаў. Праз гэта патрапіць унутр, не намачыўшы ногі, немагчыма.

«ЖЭУ-5, столькі заявак, і ў ЖРЭТ, і куды толькі мы не тэлефанавалі. Вада з кожным днём толькі прыбывае. У пад’ездзе стаіць смурод невыносны», — кажа дзяўчына на відэа.

@littleblond7 #жэу5витебск#рекомендации ♬ оригинальный звук — The_mother_of_demons

Адметна, што ў каментарах яе не падтрымалі. Карыстальнікі TikTok абвінавацілі жыхароў гэтага дома ў тым, што яны самі вінаватыя ў затапленні падвала:

• «Столькі смецця, хто вам яго накідаў? У унітаз паспрабуйце не выкідваць напаўняльнік для катоў, памперсы, сурвэткі. І тады будзе прыемна пахнуць».
• «Вядома, не жыхары дома. Прыехалі з іншага раёна, накідалі і з’ехалі. Жыхары ў першую чаргу павінны сачыць самі за парадкам».
• «Не толькі новабудоўлі, але і старыя дамы, дзе засяляецца моладзь. Пастаўце урны ў туалеце і туды кідайце смецце, а ў унітаз пісайце».

Аўтарка відэа адказала ім так: «Смецце тут, відавочна, накідалі не жыхары. А тое, што вада прыбывае — гэта пытанне да ЖЭУ і каналізацыі. Усе новабудоўлі пакутуюць так».

Чытайце таксама: Пасля сітуацыі на вуліцы Герцэна віцебскія чыноўнікі загадзя папярэджваюць аб высечцы дрэў і кампенсацыйных пасадках

Жыхары Віцебска рэгулярна здымаюць ролікі пра затапленне падвалаў і іншыя камунальныя праблемы

Адзначым, што жыхары Віцебска рэгулярна здымаюць у TikTok ролікі пра затапленне падвалаў і іншыя камунальныя праблемы. Напрыклад, напачатку лютага жыхары суседняга дома — Будзёнага, 7Б — засталіся без ацяплення ў –21 °C.

Паводле слоў жанчыны, праблемы пачаліся яшчэ 28 студзеня. Тады ў доме з’явілася цеча — вада пайшла па сценах і… па электралічыльніках. Яна пакінула заяўку ў ЖЭУ-5, але рэакцыі не было.

Аварыйная служба, паводле яе слоў, прыехала толькі праз некалькі дзён. Да гэтага моманту падвал ужо быў затоплены. Вада стаяла па шчыкалатку, трубы — у лужынах, а электралічыльнікі, праз якія раней цякла вада, сталі асобнай тэмай для абмеркавання. Жыхары перажывалі не толькі за холад у кватэрах, але і за бяспеку.

У сакавiку у новым мікрараёне Нікраполле ў Віцебску, які яшчэ нядаўна пазіцыянаваўся як сучасная і камфортная забудова, зноў абвастрылася праблема падтаплення дамоў. Мясцовыя жыхары публікуюць новыя відэа ў TikTok і сцвярджаюць, што з кожнай вясной сітуацыя паўтараецца, а рэальнага вырашэння праблемы яны пакуль не ўбачылі.

Паводле аповедаў жыльцоў, мікрараён перыядычна ператвараецца ў зону сур’ёзных камунальных праблем. Жыхары кажуць, што сутыкаюцца не толькі з падтапленымі падваламі, але і з моцным смуродам каналізацыі, які з’яўляецца ў доме кожную вясну і восень. У некаторых выпадках вада ў падвалах, паводле іх слоў, падымаецца да ўзроўню пояса дарослага чалавека.

Чытайце таксама: В Витебске затопило подвал новостройки — люди жаловались на отсутствие тепла. Похожая ситуация была в Бресте

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро